Quería dar as grazas a tódalas persoas que visitan o blog para disfrutar un anaquiño destes grandes pequen@s e das súas aprendizaxes. Tamén quería disculparme coas persoas que estiveron a facer comentarios no meu blog, pois a verdade é que aínda que disfruto moito lendo tódolos comentarios que me enviastes, non me decatei de que podían publicarse no blog. Un bico para tod@s vos, e de novo moitas grazas.

¡ VAMOS DE EXCURSIÓN !

Chegou a PRIMAVERA, e como anos pasados programamos a excursión de infantil para este curso escolar. Este ano decidimos viaxar a Sobrado dos Monxes a "CASA DO QUEIXO" .

Os nen@s e tamén os mestres moi ilusionados o xoves 16 de abril subímonos nos buses ás 9:00 da mañá e puxémonos en marcha. Xa no autobús, disfrutamos dunha película e tamén da paisaxe tan fermosa da nosa Galiza.

Aínda que a viaxe foi un pouco longa, os nosos rapaces e rapazas son moi valentes, e a viaxe transcurreu sen problemas.

Xa en Sobrado dos Monxes, as 11:00 da mañá, os monitores estaban a esperar por nos, para recibirnos. Distribuiron aos alumn@s por equipos diferenciándoos con garabatas de diferentes cores; a cada equipo acompañábao na visita un monitor.Nos aproveitamos para ir rotándonos polos diferentes obradoiros e actividades polas que ían pasando tódolos equipos aproveitando así, para sacarlles fotos e grabar algún que outro video.

Os nen@s estiveron moi atentos e como de reporteir@s profesionais se tratase ían preguntando sobre todo o que lles chamaba a atención e sobre o que querían investigar.

Os monitores fóronnos dirixindo polos diferentes obradoiros: obradoiro do queixo, da lá, obradoiro da granxa, xogos... entre outras actividades debidamente programadas para todos eles.

Sobre a 13:30 aproximadamente, aos nosos pequenos chegáballes a hora de repoñer forzas, deste xeito, monitores e mestres acompañámolos ata o lugar habilitado para disfrutar do xantar, xantar que con gran agarimo preparastes vos as familias. Desta maneira os monitores aproveitaron para poder ir eles a xantar, mentres que nos quedábamos cos nosos rapaces coidando deles e o mesmo tempo disfrutando das vivencias que nos contaron, do vivido durante toda a mañá.

Unha vez que os alumn@s remataron o seu xantar e reposaron un intre, xa estaban preparados para recibir de novo aos monitores e disfrutar dunha hora máis da casa do queixo e dos diferentes obradoiros e actividades programadas para todo o día.

O tempo pasaba moi pero que moi rápido, despedímonos dos monitores e dímoslles as grazas; xa subidos de novo nos buses puxémonos rumbo a Ortigueira, disfrutamos de novo doutra película, das paisaxes, do dormir dalgúns dos nosos pequenos... cansos despois dun día de grandes vivencias.

Espero que disfrutedes do vídeos e das fotografías que resumen un pouquiño o que supón para os vosos retoños un día de grandes ilusións.

¡ VAMOS DE EXCURSIÓN !

5 ANOS

Son os maiores de infantil, os que coidan dos mais pequenos, os que lles transmiten as súas aprendizaxes, os que saíron do cascarón onte e mañá votarán a voar ao cole dos maiores como eles expresan.

Perfeccionamos a súa coordinación visomotriz e visomanual.
Aprenden a diferenciar os seus dous lados (esquerda,dereita).
Inventamos xogos.
Colocamos,clasificamos,ordenamos...obxectos.
Rimos cantando,imitando...

4 ANOS

Xa non se consideran os máis pequenos na escola, atópanse na aula de 4 anos e o seu desenrolo psicomotor danos mostra deste gran avance.

Intentamos mellorar a súa coordinación visomotriz e visomanual.

Aprendemos a manexar obxectos con maior precisión.

Avanzamos no desenrolo psicomotor: correr, rodar, lanzar, arrastrar, trepar, reptar...

Disfrutan xogando co seu propio corpo e co material do ximnasio.

3 ANOS

Os mais pequenos saen do cascarón e atópanse cun mundo descoñecido.

Disfrutamos coñecendo as diferentes partes do noso corpo, así como as súas posibilidades e limitacións.

Aprendemos a controlar e coordinalo corpo cos diferentes xogos.

Orientámonos no espazo.

Conseguimos maternos en equilibrio.

Disfrutamos cantando,bailando...rindo.